Аушева Макка

Аушева Макка

 

Оаз

Дукха ха яц вай шиъ довза,

Дега езаенна оаз,

Безам ба са бер мо ловза,

Телаш хьона дегагIоз.

 

Шовда санна цIена я из,

Малхо санна йовхал лу,

Хьа цахозаш  цхьа ха еча,

Дего чIоагIа согат ду.

 

Къонал е еза вай бехке,

Са уйлаш баьдеча сувц,

Аз хьо сайна юхера лехке а,

Дего хIаьта а хьа оаз лувц.

 

Къонал

Дода хий мо я хьо, къонал,

Хьа бIарг массанахьа кхоач.

Йиц Iа уйла, кхерац вонах,

Бакъда, хано дегаш оач.

 

Къонал, мерза да хьа дуне,

Вахара къахьал хьона хац.

Сих ма ле, вайна йовзац кхоане,

Хало атта ловрг ма яц!

 

Сихаяр со, шовда санна,

Доаца ираз аз лахар.

Iаьржа дувхарах рузкъа хинна,

Цунца вахар дlакхалхар.

 

Къоанал, да хьа бесаш ийрча,

Седкъий лир-м тишлуш дац!

Ираз кIеззига мукъагIа хилча-м,

Тоац, аьнна, со лоткъаргьяц.

 

 

Бера ха

Бера ха, хьо сих ма ле,

Со даьна, нанна эздий кхее,

Тхона юкъе Iа барт бе,

Вахар хургдолаш иразе.

 

Къона ха, хьо сиха ма ле,

Хоза я вай сигале,

Вахар сона къахь ма ле,

Везар, Iа со йиц ма е.

 

Къонал, Iа со  Iеха ма е,

Гаьнар зурам ма хазийта.

Дезац сона вахар азале,

Са хIара Iуйре безамца хилийта.

 

Безам

Вахар сона баьде да,

Дог делх хьегаш безамах,

Хиннар хьона дицлургда,

Уйлай Кема харцарах.

 

Даьра човнаш ерзац атта,

Безам са бо хинна лел,

Везар, хьай дегага хатта,

Хой цунна хургйолга кхел?

 

Къаьна сахьат

Арадоаккх аз къаьна сахьат ,

Гонахьа Iоховш вай,

Дешаргда аз къаьна каьхат,

Байнараш дагбохий вай.

 

Дега е хов сона вас,

Дитад къаьнара сахьат дас,

Массаза ла беза мехко бала,

Ала сога, сахьат, ала.

 

Ала сога, мичаб уж дай,

ХIана баьб цар нахах лай,

ХIана доаду кхалнаьха ираз,

ХIана ба вай нах сел бирса.

 

Хийла белхабаьб наьна бIарг,

Массадолчох цар дог диллад,

Мог ца могаш, кIаьд а денна,

БIаьдеча дог Iодессад .

 

Гуйре

Ала сога, шийла гуйре ,

Дего сенна согат ду?

ЙоагIаргья из хоза Iуйре,

Малхо дуне къоагаду.

 

Кхоана со даькъала ювца

Ба са дика доттагIий.

Цар дикал малейкаша къувс,

Лоаттаду цар лаккха сий.

 

Нагахьа санна шийла яле,

Шоай безамца йIовхал лу,

Уйлашца со хьоастаяле,

Вахарга дог делалу.

166
Нет комментариев. Ваш будет первым!
И все потому, что там высадился  «десант»  из со
В рамках месячника антинаркотической направленности и популяризации зд
Рады сообщить, что уже завтра 17 июня с 11.00 до 15.00ч.
…Но и улыбки горожан.