Хамхой Бекмарзий Дауд
ваьв 1950 шера 1-ча сентябре, Казахски ССР Кустанайски областа Федоровски района Каркопа яхача юрта.
1957 шера деша вахав 1аьлий-юрта, цигачара дийша ваьлча цо йистейоаккх Экаж-къонгий юртара юкъера школа.
Арме вода 1970 шера, декхар кхоачашдеш хул Германски Демократически республике. Болх баьб «Советски арми» яхача газете внештатни корреспондент волаш.
Армера ц1авенав 1972 шера. Цул т1ехьаг1а къахьегаш хьавоаг1а тайп-тайпарча г1ишлон организацешка. Х1анз вахаш а къахьегаш а 1аьлий-юрта ва.
Стихаш яьзъе воалавеннав деша ваг1аш, уж кепайийттай «Сердало» газета т1а, «Литературни Г1алг1айче» яхача журнала т1а.